main corruption ki fazilat ko kahan samjha tha

maiñ corruption kī fazīlat ko kahāñ samjhā thā

bahr-e-zulmāt ko chhoTā sā kuaañ samjhā thā

phir bajaT us ne girāyā hai hathauḌe kī tarah

vo hukūmat ko bhī lohe kī dukāñ samjhā thā

tāj-mahaloñ kī jagah tum ne banā.īñ qabreñ

leadaro ham ne tumheñ shāh-jahāñ samjhā thā

khiḌkiyāñ toḌ gayā vo sabhī jaate jaate

mere dil ko jo kirā.e kā makāñ samjhā thā

pā.eñche jeans ke Taḳhnoñ se bahut uupar the

maiñ surayyā ko surayyā kā miyāñ samjhā thā

maañ ne beTī se kahā terī ḳhatā hai is meñ

tū ne sasurāl meñ kyuuñ saas ko maañ samjhā thā

yuuñ buḌhāpe meñ na tum chhoḌ ke vāpas jaao

bīvīyo tum ne kabhī mujh ko miyāñ samjhā thā

main corruption ki fazilat ko kahan samjha tha

bahr-e-zulmat ko chhoTa sa kuan samjha tha

phir bajaT us ne giraya hai hathauDe ki tarah

wo hukumat ko bhi lohe ki dukan samjha tha

taj-mahalon ki jagah tum ne banain qabren

leadaro hum ne tumhein shah-jahan samjha tha

khiDkiyan toD gaya wo sabhi jate jate

mere dil ko jo kirae ka makan samjha tha

paenche jeans ke TaKHnon se bahut upar the

main surayya ko surayya ka miyan samjha tha

man ne beTi se kaha teri KHata hai is mein

tu ne sasural mein kyun sas ko man samjha tha

yun buDhape mein na tum chhoD ke wapas jao

biwiyo tum ne kabhi mujh ko miyan samjha tha