main DhunDhta hun kise bar-bar kya kahiye

maiñ DhūñDhtā huuñ kise bār-bār kyā kahiye

taḌap taḌap ke shab-e-intizār kyā kahiye

ye inqilāb-e-zamāna ye gardish-e-daurāñ

banā hai dushman-e-jāñ ġham-gusār kyā kahiye

fareb-ḳhurda-e-rahbar samajh sake ye raaz

kisī se un ke sivā hāl-e-zār kyā kahiye

chaman ke phuul pe jis kā hai haq vahī bulbul

qafas meñ band hai vaqt-e-bahār kyā kahiye

ye had jahāñ meñ hai apnī siyāh-baḳhtī kī

bujhā bujhā hai charāġh-e-mazār kyā kahiye

ġham-e-hayāt se fursat nahīñ hai ik lamha

kisī se hāl-e-ġham-e-rozgār kyā kahiye

ḳhizāñ-badosh gulistān-e-ārzū meñ 'jalāl'

kabhī to aa ke hai rahnā bahār kyā kahiye

main DhunDhta hun kise bar-bar kya kahiye

taDap taDap ke shab-e-intizar kya kahiye

ye inqilab-e-zamana ye gardish-e-dauran

bana hai dushman-e-jaan gham-gusar kya kahiye

fareb-KHurda-e-rahbar samajh sake ye raaz

kisi se un ke siwa haal-e-zar kya kahiye

chaman ke phul pe jis ka hai haq wahi bulbul

qafas mein band hai waqt-e-bahaar kya kahiye

ye had jahan mein hai apni siyah-baKHti ki

bujha bujha hai charagh-e-mazar kya kahiye

gham-e-hayat se fursat nahin hai ek lamha

kisi se haal-e-gham-e-rozgar kya kahiye

KHizan-badosh gulistan-e-arzu mein 'jalal'

kabhi to aa ke hai rahna bahaar kya kahiye