main dil mein laya use chashm-e-tar ke zine se

maiñ dil meñ laayā use chashm-e-tar ke ziine se

yuuñ saare zaḳhm dikhātā gayā qarīne se

ye barf-zār-e-mohabbat ye january kā sukūt

hazār ishq juḌe haiñ isī mahīne se

yuuñ ek ism dhaḌaktā hai raushnī kī tarah

ki tūr-e-sīnā jale jaise mere siine se

gulāb lab vo kisī ke vo surmagīñ āñkheñ

vo zulf naag sī lipTī huī ḳhazīne se

vo nāḳhudā se bachā aur na ḳhudā se bachā

koī pukārā kiyā Dūbte safīne se

pukārtā hai udāsī meñ shaam kā manzar

na jaa.e kuufa kī jānib koī madīne se

ye ashk ghar se ga.e be-amān bachchoñ se

bikharte TūTte phirte haiñ ābgīne se

main dil mein laya use chashm-e-tar ke zine se

yun sare zaKHm dikhata gaya qarine se

ye barf-zar-e-mohabbat ye january ka sukut

hazar ishq juDe hain isi mahine se

yun ek ism dhaDakta hai raushni ki tarah

ki tur-e-sina jale jaise mere sine se

gulab lab wo kisi ke wo surmagin aankhen

wo zulf nag si lipTi hui KHazine se

wo naKHuda se bacha aur na KHuda se bacha

koi pukara kiya Dubte safine se

pukarta hai udasi mein sham ka manzar

na jae kufa ki jaanib koi madine se

ye ashk ghar se gae be-aman bachchon se

bikharte TuTte phirte hain aabgine se