میں دشمن کو جو عزت دے رہا ہوں
میں دشمن کو جو عزت دے رہا ہوں
اسے درس محبت دے رہا ہوں
وہ مجھ پر یار کہہ کر وار کر دے
میں قاتل کو اجازت دے رہا ہوں
وہ غم سارے زمانے سے جدا ہے
جسے دل کی حکومت دے رہا ہوں
غم جاناں سدا تو رہ سلامت
دعائے استقامت دے رہا ہوں
یہ دل تیرے ستم پر بھی ہے خنداں
اسے داد شجاعت دے رہا ہوں
مرا قصہ نہایت مختصر ہے
کہانی کو طوالت دے رہا ہوں
صدائے کن کہاں میں نے سنی تھی
مگر اس کی شہادت دے رہا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
