میں ڈوبنے لگا تھا کہ بے ساختہ کھلا

میں ڈوبنے لگا تھا کہ بے ساختہ کھلا

گمراہیوں کے دشت میں مجھ پر خدا کھلا

آہٹ ہی کوئی چونکی نہ باب صدا کھلا

یہ شہر بے پناہ بھی صحرا نما کھلا

وہ پیکر طلسم بہت سرخ رو ہوا

اس پر لہو کے لمس کا جب ذائقہ کھلا

آنکھیں لگیں تو قرب کی خوشبو جواں ہوئی

جب رات تھک کے سوئی تو بند قبا کھلا

پھر میرے اردگرد ہے طوفان صد زوال

پھر مجھ میں انتشار کا دفتر نیا کھلا

دو دن میں احتیاط کا نشہ اتر گیا

ہم جتنا چاہتے تھے وہ اس سے سوا کھلا