main dur ho ke bhi us se juda nahin hota
maiñ duur ho ke bhī us se judā nahīñ hotā
hamāre biich koī fāsla nahīñ hotā
baġhair us ke ho ehsās-e-zindagī kā safar
ye sochtā to huuñ par hausla nahīñ hotā
vo is tarah se mirī zindagī kā hissa hai
is ek his kā badal dūsrā nahīñ hotā
kiyā hai gardish-e-hālāt ne mujhe majbūr
vagarna zarf chhalaktā sadā nahīñ hotā
ye sab hai sehr usī nargisī nigāhī kā
mujhe thā faḳhr kabhī ki nasha nahīñ hotā
na jama.a karte jo lakḌī siyāsatoñ ke giroh
dhuāñ to shahr se hargiz uThā nahīñ hotā
main dur ho ke bhi us se juda nahin hota
hamare bich koi fasla nahin hota
baghair us ke ho ehsas-e-zindagi ka safar
ye sochta to hun par hausla nahin hota
wo is tarah se meri zindagi ka hissa hai
is ek his ka badal dusra nahin hota
kiya hai gardish-e-haalat ne mujhe majbur
wagarna zarf chhalakta sada nahin hota
ye sab hai sehr usi nargisi nigahi ka
mujhe tha faKHr kabhi ki nasha nahin hota
na jama karte jo lakDi siyasaton ke giroh
dhuan to shahr se hargiz uTha nahin hota
- Book : Dar Haqeeqat (Pg. 94)
- Author : Azhar Shams
- Publication : Rujhaan Publications, Allahabad (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
