main ek bund samundar hua to kaise hua
maiñ ek buuñd samundar huā to kaise huā
ye mojaza mire andar huā to kaise huā
ye bhed sab pe ujāgar huā to kaise huā
ki mere dil meñ tirā ghar huā to kaise huā
na chāñd ne kiyā raushan mujhe na sūraj ne
to maiñ jahāñ meñ munavvar huā to kaise huā
na ās-pās chaman hai na gul-badan koī
hamārā kamra mo.attar huā to kaise huā
zarā sī baat pe ik ġham-gusār ke aage
maiñ apne aape se bāhar huā to kaise huā
sulagte sahrā meñ tūfāñ kā sāmnā thā mujhe
ye mārka jo huā sar huā to kaise huā
vo jañg haar ke mujh se ye pūchhtā hai ki maiñ
baġhair teġh muzaffar huā to kaise huā
sunā hai amn-parastoñ kā vo ilāqa hai
vahīñ shikār kabūtar huā to kaise huā
main ek bund samundar hua to kaise hua
ye mojaza mere andar hua to kaise hua
ye bhed sab pe ujagar hua to kaise hua
ki mere dil mein tera ghar hua to kaise hua
na chand ne kiya raushan mujhe na suraj ne
to main jahan mein munawwar hua to kaise hua
na aas-pas chaman hai na gul-badan koi
hamara kamra moattar hua to kaise hua
zara si baat pe ek gham-gusar ke aage
main apne aape se bahar hua to kaise hua
sulagte sahra mein tufan ka samna tha mujhe
ye marka jo hua sar hua to kaise hua
wo jang haar ke mujh se ye puchhta hai ki main
baghair tegh muzaffar hua to kaise hua
suna hai amn-paraston ka wo ilaqa hai
wahin shikar kabutar hua to kaise hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
