main ghaar mein tha aur hawa ke baghair tha
maiñ ġhaar meñ thā aur havā ke baġhair thā
ik roz āftāb ziyā ke baġhair thā
sāhil pe aa ke Duub ga.ī naav apne aap
ik shaḳhs us meñ apnī razā ke baġhair thā
sab ro rahe the ḳhauf kī dīvār se lage
kohrām thā ki saut-o-sadā ke baġhair thā
kyuuñ naqsh-e-pā tamām kisī dā.ere meñ the
ye kaun thā jo dast-e-duā ke baġhair thā
'faisal' jo shahr aap hī mismār ho gayā
kyā ilm kab se hamd-o-sanā ke baġhair thā
main ghaar mein tha aur hawa ke baghair tha
ek roz aaftab ziya ke baghair tha
sahil pe aa ke Dub gai naw apne aap
ek shaKHs us mein apni raza ke baghair tha
sab ro rahe the KHauf ki diwar se lage
kohram tha ki saut-o-sada ke baghair tha
kyun naqsh-e-pa tamam kisi daere mein the
ye kaun tha jo dast-e-dua ke baghair tha
'faisal' jo shahr aap hi mismar ho gaya
kya ilm kab se hamd-o-sana ke baghair tha
- Book : Pakistani Adab (Pg. 635)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
