main hawa ke dosh pe rakkha hua

maiñ havā ke dosh pe rakkhā huā

patta huuñ par shāḳh se TuuTā huā

raat kī gullak meñ kartā jam.a huuñ

puure din kā jo bhī hai joḌā huā

titliyāñ akasr haiñ mujh se pūchhtī

paas mere phuul thā jo kyā huā

vo koī saaya nahīñ thā maiñ hī thā

dhuup terā ḳhvāh-maḳhvāh harjā huā

pyaas apnī jaḌ se maiñ ne ḳhatm kī

dariyā hoñToñ pe rakhā jaltā huā

zehn to mahfūz hotā par ye kyā

ye nagar bhī hai tirā luuTā huā

main hawa ke dosh pe rakkha hua

patta hun par shaKH se TuTa hua

raat ki gullak mein karta jama hun

pure din ka jo bhi hai joDa hua

titliyan akasr hain mujh se puchhti

pas mere phul tha jo kya hua

wo koi saya nahin tha main hi tha

dhup tera KHwah-maKHwah harja hua

pyas apni jaD se main ne KHatm ki

dariya honTon pe rakha jalta hua

zehn to mahfuz hota par ye kya

ye nagar bhi hai tera luTa hua