main hi diwana sahi log to farzane hain

maiñ hī dīvāna sahī log to farzāne haiñ

kyuuñ haqā.eq meñ milā dete ye afsāne haiñ

ek lamhe ko nigah aur taraf bhaTkī thī

varna ham sirf tirī diid ke dīvāne haiñ

jis ne dekhā na use hosh rahā tan-man kā

terī āñkheñ haiñ ki jaadū haiñ ki mai-ḳhāne haiñ

dil meñ vo kuchh hai ki lafzoñ meñ adā ho na sake

vo samundar to ye TuuTe hue paimāne haiñ

ek vo log ki sahrāoñ ko raunaq baḳhsheñ

ek ham haiñ ki bhare shahr bhī vīrāne haiñ

vo bhī din the jo kiyā kartā thā ḳhud se bāteñ

aaj 'āsī' ke baḌe logoñ se yārāne haiñ

main hi diwana sahi log to farzane hain

kyun haqaeq mein mila dete ye afsane hain

ek lamhe ko nigah aur taraf bhaTki thi

warna hum sirf teri did ke diwane hain

jis ne dekha na use hosh raha tan-man ka

teri aankhen hain ki jadu hain ki mai-KHane hain

dil mein wo kuchh hai ki lafzon mein ada ho na sake

wo samundar to ye TuTe hue paimane hain

ek wo log ki sahraon ko raunaq baKHshen

ek hum hain ki bhare shahr bhi virane hain

wo bhi din the jo kiya karta tha KHud se baaten

aaj 'asi' ke baDe logon se yarane hain