main hi kashti bhi hun mallah bhi tufan bhi hun

maiñ hī kashtī bhī huuñ mallāh bhī tūfān bhī huuñ

aur ab Duub rahā huuñ to pareshān bhī huuñ

maiñ jo auroñ ko dikhātā huuñ is ā.īne meñ

apnā chehra nazar aayā hai to hairān bhī huuñ

haal ye kaisā faqīroñ sā banā rakkhā hai

kaun kah degā kisī vaqt kā sultān bhī huuñ

bāryābī kī tamannā meñ paḌā huuñ dar par

baiThā hotā to samajh letā ki darbān bhī huuñ

be-bulā.e chalā aatā maiñ na kahtā tujh se

aaj to mehrbāñ ho jā tirā mehmān bhī huuñ

aaj tak merī ġhazal ne nahīñ pahchānā mujhe

jabki shā.ir hī nahīñ sāhab-e-dīvān bhī huuñ

main hi kashti bhi hun mallah bhi tufan bhi hun

aur ab Dub raha hun to pareshan bhi hun

main jo auron ko dikhata hun is aaine mein

apna chehra nazar aaya hai to hairan bhi hun

haal ye kaisa faqiron sa bana rakkha hai

kaun kah dega kisi waqt ka sultan bhi hun

baryabi ki tamanna mein paDa hun dar par

baiTha hota to samajh leta ki darban bhi hun

be-bulae chala aata main na kahta tujh se

aaj to mehrban ho ja tera mehman bhi hun

aaj tak meri ghazal ne nahin pahchana mujhe

jabki shair hi nahin sahab-e-diwan bhi hun