main hun ek kaghaz-e-qalam-bezar

maiñ huuñ ik kāġhaz-e-qalam-bezār

bād-e-sarsar meñ barg-e-nam bezār

arabī log haiñ to hone do

vo ḳhudā to nahīñ ajam-bezār

dekh kar bol chehre-bushre se

nazar aatā huuñ kyā sitam-bezār

ai gurezān-e-ābla-pā.ī!

dasht-e-majnūn hai qadam-bezār

ik dil-e-muztarib hai pahlū meñ

aur siina hai ek-dam bezār

rashk-e-shāna se pech khātā huuñ

maiñ giraftār-e-zulf-e-ḳham bezār

mustarad daftar-e-tarab meñ huā

ek ummīd-vār-e-ġham bezār

mujh se bezār kul jahāñ hai 'shafaq'!

maiñ bhī ḳhud se nahīñ huuñ kam bezār

main hun ek kaghaz-e-qalam-bezar

baad-e-sarsar mein barg-e-nam bezar

arabi log hain to hone do

wo KHuda to nahin ajam-bezar

dekh kar bol chehre-bushre se

nazar aata hun kya sitam-bezar

ai gurezan-e-abla-pai!

dasht-e-majnun hai qadam-bezar

ek dil-e-muztarib hai pahlu mein

aur sina hai ek-dam bezar

rashk-e-shana se pech khata hun

main giraftar-e-zulf-e-KHam bezar

mustarad daftar-e-tarab mein hua

ek ummid-war-e-gham bezar

mujh se bezar kul jahan hai 'shafaq'!

main bhi KHud se nahin hun kam bezar