main hun teri nigah mein tu hai meri nigah mein
main hun teri nigah mein tu hai meri nigah mein
Naseem Shahjahanpuri
MORE BYNaseem Shahjahanpuri
maiñ huuñ tirī nigāh meñ tū hai mirī nigāh meñ
ishq bhī hai panāh meñ husn bhī hai panāh meñ
jin kī talab thī mo'tabar mil ga.iiñ un ko manzileñ
jin kī talāsh ḳhaam hai aaj bhī haiñ vo raah meñ
paas bhī haiñ vo duur bhī qurb bhī hai firāq bhī
kitnā hasīñ hai fāsla mere dil o nigāh meñ
ishq hai vaj.h-e-do-jahāñ ishq hai rūh-e-do-jahāñ
ḳham hai jabīn-e-bandagī ishq kī bārgāh meñ
zabt-e-alam ke imtihāñ dār-o-rasan ke marhale
kaun sī mushkileñ nahīñ ahl-e-vafā kī raah meñ
zohd ho kyuuñ na be-asar taqvā ho kyuuñ na rā.egāñ
kaif hī kaif hai tire mai-kada-e-nigāh meñ
palkoñ pe jab jale charāġh aa.iiñ 'nasīm' āñdhiyāñ
kitnā hasīn rabt hai ashk meñ aur aah meñ
main hun teri nigah mein tu hai meri nigah mein
ishq bhi hai panah mein husn bhi hai panah mein
jin ki talab thi mo'tabar mil gain un ko manzilen
jin ki talash KHam hai aaj bhi hain wo rah mein
pas bhi hain wo dur bhi qurb bhi hai firaq bhi
kitna hasin hai fasla mere dil o nigah mein
ishq hai wajh-e-do-jahan ishq hai ruh-e-do-jahan
KHam hai jabin-e-bandagi ishq ki bargah mein
zabt-e-alam ke imtihan dar-o-rasan ke marhale
kaun si mushkilen nahin ahl-e-wafa ki rah mein
zohd ho kyun na be-asar taqwa ho kyun na raegan
kaif hi kaif hai tere mai-kada-e-nigah mein
palkon pe jab jale charagh aain 'nasim' aandhiyan
kitna hasin rabt hai ashk mein aur aah mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
