main jis jagah hun wahan bud-o-bash kis ki hai
maiñ jis jagah huuñ vahāñ būd-o-bāsh kis kī hai
mire badan ke kafan meñ ye laash kis kī hai
tujhe ḳhayāl meñ lā kar gul-o-nujūm ke saath
ye dekhnā hai ki achchhī tarāsh kis kī hai
ḳhayāl-o-ḳhvāb kī galiyoñ meñ bhī hai vīrānī
mirī udaas nazar ko talāsh kis kī hai
tumhārā kaam nahīñ to phir intizām hai kyā
dil-o-jigar pe ye ek ik ḳharāsh kis kī hai
jo aap apnī hī pas-māndagī pe naaz kare
maiñ ḳhud nahīñ to ye tarz-e-ma.āsh kis kī hai
main jis jagah hun wahan bud-o-bash kis ki hai
mere badan ke kafan mein ye lash kis ki hai
tujhe KHayal mein la kar gul-o-nujum ke sath
ye dekhna hai ki achchhi tarash kis ki hai
KHayal-o-KHwab ki galiyon mein bhi hai virani
meri udas nazar ko talash kis ki hai
tumhaara kaam nahin to phir intizam hai kya
dil-o-jigar pe ye ek ek KHarash kis ki hai
jo aap apni hi pas-mandagi pe naz kare
main KHud nahin to ye tarz-e-maash kis ki hai
- Book : Gumname aadmi ka bayan (Pg. 84)
- Author : Fazil Jamili
- Publication : Bazm-e-ifkar Publications (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
