main jo chahun bhi to aisa nahin hone degi

maiñ jo chāhūñ bhī to aisā nahīñ hone degī

tū mujhe aur kisī kā nahīñ hone degī

tirī āvāz jagā.egī samā.at meñ fusūñ

terī sūrat mujhe andhā nahīñ hone degī

baap koī bhī musībat nahīñ aane degā

maañ mire dil meñ añdherā nahīñ hone degī

roz aa jaatā hai mujh ko koī massage us kā

ya.anī vo ġham kā izāla nahīñ hone degī

ik tavā.if jo jalātī hai badan se chūlhā

apnī beTī ko afīfa nahīñ hone degī

tū mirī maan kisī aur se shādī kar le

merī ġhurbat to ye rishta nahīñ hone degī

vo judā ho bhī agar hogī salīqe se 'alī'

ya.anī dhoke ko tamāshā nahīñ hone degī

main jo chahun bhi to aisa nahin hone degi

tu mujhe aur kisi ka nahin hone degi

teri aawaz jagaegi samaat mein fusun

teri surat mujhe andha nahin hone degi

bap koi bhi musibat nahin aane dega

man mere dil mein andhera nahin hone degi

roz aa jata hai mujh ko koi massage us ka

yani wo gham ka izala nahin hone degi

ek tawaif jo jalati hai badan se chulha

apni beTi ko afifa nahin hone degi

tu meri man kisi aur se shadi kar le

meri ghurbat to ye rishta nahin hone degi

wo juda ho bhi agar hogi saliqe se 'ali'

yani dhoke ko tamasha nahin hone degi