main jo ruTha to manane aae

maiñ jo rūThā to manāne aa.e

shāyad ab hosh Thikāne aa.e

ho ke majbūr aaj tere huzūr

ġham kī rūdād sunāne aa.e

ho tumhīñ darpa.e-āzār to phir

kaun taskīn dilāne aa.e

jab maiñ jānūñ ki mirī tarah koī

yuuñ tire naaz uThāne aa.e

dostoñ ne bhī churā liiñ nazreñ

mujh pe aise bhī zamāne aa.e

yād-e-māzī hai ġhanīmat 'fayyāz'

lauT kar kis ke zamāne aa.e

main jo ruTha to manane aae

shayad ab hosh Thikane aae

ho ke majbur aaj tere huzur

gham ki rudad sunane aae

ho tumhin darpae-azar to phir

kaun taskin dilane aae

jab main jaanun ki meri tarah koi

yun tere naz uThane aae

doston ne bhi chura lin nazren

mujh pe aise bhi zamane aae

yaad-e-mazi hai ghanimat 'fayyaz'

lauT kar kis ke zamane aae