main jo tanha rah-e-talab mein chala

maiñ jo tanhā rah-e-talab meñ chalā

merā saaya mire aqab meñ chalā

sub.h ke qāfiloñ se nibh na sakī

maiñ akelā savād-e-shab meñ chalā

jab ghane jañgaloñ kī saf aa.ī

ek taarā mire aqab meñ chalā

aage aage koī bagūlā sā

ālam-e-mastī-o-tarab meñ chalā

maiñ kabhī hairat-e-talab meñ rukā

aur kabhī shiddat-e-ġhazab meñ chalā

nahīñ khultā ki kaun shaḳhs huuñ maiñ

aur kis shaḳhs kī talab meñ chalā

ek anjān zaat kī jānib

al-ġharaz maiñ baḌe taab meñ chalā

main jo tanha rah-e-talab mein chala

mera saya mere aqab mein chala

subh ke qafilon se nibh na saki

main akela sawad-e-shab mein chala

jab ghane jangalon ki saf aai

ek tara mere aqab mein chala

aage aage koi bagula sa

aalam-e-masti-o-tarab mein chala

main kabhi hairat-e-talab mein ruka

aur kabhi shiddat-e-ghazab mein chala

nahin khulta ki kaun shaKHs hun main

aur kis shaKHs ki talab mein chala

ek anjaan zat ki jaanib

al-gharaz main baDe tab mein chala