main kahan hun ki mera jism to saya hai mera

maiñ kahāñ huuñ ki mirā jism to saaya hai mirā

ye haqīqat hai ki har ḳhvāb parāyā hai mirā

rū-ba-rū aa.ine meñ aks vo apnā hī sahī

ḳhush huā huuñ ki mire ghar koī aaya hai mirā

tū mire ishq se inkār karegā kaise

ḳhāl-o-ḳhad meñ tire chehra ubhar aaya hai mirā

kyoñ mujhe band kiyā hai sar-e-tah-ḳhāna-e-zīst

kuchh to ma.alūm ho kyā jurm ḳhudāyā hai mirā

aag phailī hai kahāñ se mire chāroñ jānib

kis ne ai mauj-e-havā shahr jalāyā hai mirā

saañs lene kī jo koshish kabhī kī hai 'tāriq'

maz.haka ḳhuub havāoñ ne uḌāyā hai mirā

main kahan hun ki mera jism to saya hai mera

ye haqiqat hai ki har KHwab paraya hai mera

ru-ba-ru aaine mein aks wo apna hi sahi

KHush hua hun ki mere ghar koi aaya hai mera

tu mere ishq se inkar karega kaise

KHal-o-KHad mein tere chehra ubhar aaya hai mera

kyon mujhe band kiya hai sar-e-tah-KHana-e-zist

kuchh to malum ho kya jurm KHudaya hai mera

aag phaili hai kahan se mere chaaron jaanib

kis ne ai mauj-e-hawa shahr jalaya hai mera

sans lene ki jo koshish kabhi ki hai 'tariq'

mazhaka KHub hawaon ne uDaya hai mera