main kahan thi kahan se kahan ho gai

maiñ kahāñ thī kahāñ se kahāñ ho ga.ī

āḳhirash ye huā maiñ dhuāñ ho ga.ī

dil meñ jazba thā jo vo fanā ho gayā

ik mohabbat thī jo dāstāñ ho ga.ī

saare armān mere dhare rah ga.e

saarī koshish mirī rā.egāñ ho ga.ī

mujh ko dekhā to dene lagī gāliyāñ

merī tanhā.ī kyā bad-zabāñ ho ga.ī

tajraba ye nayā is safar meñ huā

dhuup meñ tap ke maiñ sā.ebāñ ho ga.ī

ek chehra nigāhoñ se guzrā hī thā

ek tasvīr dil meñ nihāñ ho ga.ī

raakh hotā gayā rafta-rafta badan

zindagī cigarettoñ kā dhuāñ ho ga.ī

main kahan thi kahan se kahan ho gai

aaKHirash ye hua main dhuan ho gai

dil mein jazba tha jo wo fana ho gaya

ek mohabbat thi jo dastan ho gai

sare arman mere dhare rah gae

sari koshish meri raegan ho gai

mujh ko dekha to dene lagi galiyan

meri tanhai kya bad-zaban ho gai

tajraba ye naya is safar mein hua

dhup mein tap ke main saeban ho gai

ek chehra nigahon se guzra hi tha

ek taswir dil mein nihan ho gai

rakh hota gaya rafta-rafta badan

zindagi cigaretton ka dhuan ho gai