main kam-sini ke sabhi khilaunon mein yun bikharta jawan hua tha

maiñ kam-sinī ke sabhī khilaunoñ meñ yuuñ bikhartā javāñ huā thā

dilā maiñ tere hasīñ ḳhayāloñ se Dartā Dartā javāñ huā thā

mujhe sitāroñ kī gardishoñ se Darā.egā kyā nasīb merā

ki maiñ bagūloñ ke saath sahrā meñ raqs kartā javāñ huā thā

baḌā ta.ajjub hai terī āñkhoñ kī ik tajallī se jal gayā huuñ

vagarna sho.aloñ kī aañkh par maiñ girā guzartā javāñ huā thā

usī kahānī ne rañg dī hai mirī javānī kī har nishānī

maiñ jis kahānī meñ zindagānī ke rañg bhartā javāñ huā thā

jo aaj siine ke ek kone meñ ḳhāmushī se paḌā huā hai

ye dil surayyā ke paar duniyā meñ paañv dhartā javāñ huā thā

nahīñ achambhe kī baat koī jo tujh pe 'mumtāz' mar miTā hai

ye shaḳhs pahle bhī terī paa.el pe martā martā javāñ huā thā

main kam-sini ke sabhi khilaunon mein yun bikharta jawan hua tha

dila main tere hasin KHayalon se Darta Darta jawan hua tha

mujhe sitaron ki gardishon se Daraega kya nasib mera

ki main bagulon ke sath sahra mein raqs karta jawan hua tha

baDa tajjub hai teri aankhon ki ek tajalli se jal gaya hun

wagarna shoalon ki aankh par main gira guzarta jawan hua tha

usi kahani ne rang di hai meri jawani ki har nishani

main jis kahani mein zindagani ke rang bharta jawan hua tha

jo aaj sine ke ek kone mein KHamushi se paDa hua hai

ye dil surayya ke par duniya mein panw dharta jawan hua tha

nahin achambhe ki baat koi jo tujh pe 'mumtaz' mar miTa hai

ye shaKHs pahle bhi teri pael pe marta marta jawan hua tha