main kho gaya tha koi shai talash karte hue
maiñ kho gayā thā koī shai talāsh karte hue
parā.e shahr meñ apne talāsh karte hue
phir ek sub.h mujhe aañkh phoḌnā paḌī thī
hasīn ḳhvāb ke reshe talāsh karte hue
maiñ sūkhe peḌ se aksar kalām kartā thā
havā-e-sabz ke lahje talāsh karte hue
ham un parindoñ ke jaise haiñ jo zamīñ pe tirī
shikār ho ga.e daane talāsh karte hue
kabhī kabhī to mukammal ġhazal se miltā huuñ
suḳhan ke shahr meñ misre talāsh karte hue
kahīñ kahīñ to mujhe aañkh ḳharch karnā paḌī
nafīs paañv ke chhāle talāsh karte hue
main kho gaya tha koi shai talash karte hue
parae shahr mein apne talash karte hue
phir ek subh mujhe aankh phoDna paDi thi
hasin KHwab ke reshe talash karte hue
main sukhe peD se aksar kalam karta tha
hawa-e-sabz ke lahje talash karte hue
hum un parindon ke jaise hain jo zamin pe teri
shikar ho gae dane talash karte hue
kabhi kabhi to mukammal ghazal se milta hun
suKHan ke shahr mein misre talash karte hue
kahin kahin to mujhe aankh KHarch karna paDi
nafis panw ke chhaale talash karte hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
