main ki apne hi aas-pas nahin

maiñ ki apne hī ās-pās nahīñ

so bhī ab mujh ko terī aas nahīñ

zindagī ke bane nahīñ imkān

maut kā bhī koī qayās nahīñ

qahr par qahr mujh pe TuuTe haiñ

kyā sitam hai ki maiñ udaas nahīñ

chāhtā huuñ ki tujh ko yaad rakhūñ

par ye chāhat bhī utnī ḳhaas nahīñ

rah ke duniyā meñ duniyā vāloñ se

kahtā phirtā huuñ duniyā raas nahīñ

merī ḳhvāhish hai dariyā paas aa.e

aur maiñ kah duuñ ki mujh ko pyaas nahīñ

main ki apne hi aas-pas nahin

so bhi ab mujh ko teri aas nahin

zindagi ke bane nahin imkan

maut ka bhi koi qayas nahin

qahr par qahr mujh pe TuTe hain

kya sitam hai ki main udas nahin

chahta hun ki tujh ko yaad rakhun

par ye chahat bhi utni KHas nahin

rah ke duniya mein duniya walon se

kahta phirta hun duniya ras nahin

meri KHwahish hai dariya pas aae

aur main kah dun ki mujh ko pyas nahin