main ki KHud apne KHayalat ka zindani hun

maiñ ki ḳhud apne ḳhayālāt kā zindānī huuñ

terī har baat ko kis tarah gavārā kar luuñ

sahrā sahrā jo phirā kartā hai terī ḳhātir

haa.e vo shaḳhs jise kahtī hai duniyā majnūñ

dil ne go laakh ye chāhā ki bhulā duuñ tujh ko

yaad ne terī magar aaj bhī maarā shab-ḳhūñ

kis ḳharābe meñ hameñ laa.ī hai vahshat ki jahāñ

koī dīvār na dar hai na koī bām-o-sutūñ

aap ġhazleñ jo kahā karte haiñ 'nādir'-sāhab

kyā milā kartā hai is tarah bhī kuchh dil ko sakūñ

main ki KHud apne KHayalat ka zindani hun

teri har baat ko kis tarah gawara kar lun

sahra sahra jo phira karta hai teri KHatir

hae wo shaKHs jise kahti hai duniya majnun

dil ne go lakh ye chaha ki bhula dun tujh ko

yaad ne teri magar aaj bhi mara shab-KHun

kis KHarabe mein hamein lai hai wahshat ki jahan

koi diwar na dar hai na koi baam-o-sutun

aap ghazlen jo kaha karte hain 'nadir'-sahab

kya mila karta hai is tarah bhi kuchh dil ko sakun