main kya bataun tujhko meri jaan rah gae

maiñ kyā batā.ūñ tujh ko mirī jaan rah ga.e

ye nabz tham ga.ī magar armān rah ga.e

is mausam-e-fasurda nigāhī ke hī sabab

phūloñ ke muntazir mire gul-dān rah ga.e

chashm-e-ġhazāl dasht-e-tamannā ko dekh kar

dīda-vrān-e-shahar bhī hairān rah ga.e

aisī havā-e-vahshat-e-āvārgāñ chalī

shahzādiyoñ ke jhiil pe sāmān rah ga.e

mujh se gila fuzūl hai jab ḳhud hī aap ko

ahd-e-vafā na yaad na paimān rah ga.e

ham surḳh hoñT vaalī zuleḳhā ke ishq meñ

kāfir hī ho sake na musalmān rah ga.e

main kya bataun tujh ko meri jaan rah gae

ye nabz tham gai magar arman rah gae

is mausam-e-fasurda nigahi ke hi sabab

phulon ke muntazir mere gul-dan rah gae

chashm-e-ghazal dasht-e-tamanna ko dekh kar

dida-wran-e-shahar bhi hairan rah gae

aisi hawa-e-wahshat-e-awargan chali

shahzadiyon ke jhil pe saman rah gae

mujh se gila fuzul hai jab KHud hi aap ko

ahd-e-wafa na yaad na paiman rah gae

hum surKH honT wali zuleKHa ke ishq mein

kafir hi ho sake na musalman rah gae