main moatabar hun ishq mera moatabar nahin
maiñ mo'atabar huuñ ishq mirā mo'atabar nahīñ
āñkhoñ meñ ashk-e-ġham nahīñ neze pe sar nahīñ
kuchh naqsh rah ga.e haiñ buzurgoñ kī shaan ke
ab shahr-e-ārzū meñ kisī kā bhī ghar nahīñ
hamrāh chāñd ke to sitāroñ kā hai hujūm
sūraj ke saath koī sharīk-e-safar nahīñ
badlī huī fazā hai ġhazal ke makān kī
chañgez-ḳhāñ ke shahr meñ 'ġhālib' kā ghar nahīñ
chhat āsmān hai to bichhaunā zamīn hai
apne makān meñ kahīñ dīvār-o-dar nahīñ
nākāmiyoñ pe niim chabāne lage haiñ log
'anjum' ye zindagānī hai ḳhvāboñ kā ghar nahīñ
main mo'atabar hun ishq mera mo'atabar nahin
aankhon mein ashk-e-gham nahin neze pe sar nahin
kuchh naqsh rah gae hain buzurgon ki shan ke
ab shahr-e-arzu mein kisi ka bhi ghar nahin
hamrah chand ke to sitaron ka hai hujum
suraj ke sath koi sharik-e-safar nahin
badli hui faza hai ghazal ke makan ki
changez-KHan ke shahr mein 'ghaalib' ka ghar nahin
chhat aasman hai to bichhauna zamin hai
apne makan mein kahin diwar-o-dar nahin
nakaamiyon pe nim chabane lage hain log
'anjum' ye zindagani hai KHwabon ka ghar nahin
- Book : Lehja-e-Gul (Pg. 57)
- Publication : Madhya Pradesh Urdu Academy, Bhopal (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
