main mohabbat ke maron ki duniya se hun

maiñ mohabbat ke māroñ kī duniyā se huuñ

mujh se kiije vafā saḳht mushkil meñ huuñ

duur tak dard kī sarhadeñ jā chukīñ

koī de do davā saḳht mushkil meñ huuñ

zindagī qaid meñ ik zamāne se hai

ab to kar do rihā saḳht mushkil meñ huuñ

tujh se koī bhalā.ī tavaqqo.a nahīñ

koī kar de bhalā saḳht mushkil meñ huuñ

us kī jaatī hai jis kī ho izzat koī

kyā gayā hai tirā saḳht mushkil meñ huuñ

har-ghaḌī jis ne mushkil meñ Daalā mujhe

mujh se vo kah gayā saḳht mushkil meñ huuñ

chhīn kar pūchhtā hai Thikāne sabhī

hai kahāñ aasrā saḳht mushkil meñ huuñ

jis ko sauñpe the darje hifāzat ke vo

rahzanoñ se milā saḳht mushkil meñ huuñ

kah ke 'mumtāz' yuuñ āzmā.e ga.e

ho ga.ī intihā saḳht mushkil meñ huuñ

ab shash-o-panj meñ mujh ko rahnā nahīñ

ho koī faisla saḳht mushkil meñ huuñ

bhuul baiThe haiñ parvāz kī jab adā

dar qafas kā khulā saḳht mushkil meñ huuñ

main mohabbat ke maron ki duniya se hun

mujh se kije wafa saKHt mushkil mein hun

dur tak dard ki sarhaden ja chukin

koi de do dawa saKHt mushkil mein hun

zindagi qaid mein ek zamane se hai

ab to kar do riha saKHt mushkil mein hun

tujh se koi bhalai tawaqqoa nahin

koi kar de bhala saKHt mushkil mein hun

us ki jati hai jis ki ho izzat koi

kya gaya hai tera saKHt mushkil mein hun

har-ghaDi jis ne mushkil mein Dala mujhe

mujh se wo kah gaya saKHt mushkil mein hun

chhin kar puchhta hai Thikane sabhi

hai kahan aasra saKHt mushkil mein hun

jis ko saunpe the darje hifazat ke wo

rahzanon se mila saKHt mushkil mein hun

kah ke 'mumtaz' yun aazmae gae

ho gai intiha saKHt mushkil mein hun

ab shash-o-panj mein mujh ko rahna nahin

ho koi faisla saKHt mushkil mein hun

bhul baiThe hain parwaz ki jab ada

dar qafas ka khula saKHt mushkil mein hun