میں محبت پہ خاک ڈال آیا
پھر اچانک ترا خیال آیا
پہلے میری وفا کے دام گرے
پھر فلک سے کوئی وبال آیا
میرے پہلو میں پھر ترا سایہ
اوڑھ کر چاندنی کی شال آیا
بند گجروں کا کاروبار ہوا
اس کلائی پہ جب زوال آیا
میرے جیسے زمیں پہ رہتے ہیں
اک مگر حسن بے مثال آیا
آگ بہتی تھی جن دنوں مجھ میں
کیوں نہ دریا کو اشتعال آیا
گرم بازار دل ہوا راولؔ
یہ کہاں سے ہے تازہ مال آیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
