main nahin kahta ki duniya ko badal kar rah chal

maiñ nahīñ kahtā ki duniyā ko badal kar raah chal

ḳhaar haiñ pairāhan-e-gul meñ sañbhal kar raah chal

duur hai mulk-e-'adam aur tujh meñ dam baaqī nahīñ

ho sake to bas yūñhī karvaT badal kar raah chal

tālib-e-manzil hai phir uzlat-nashīnī kis liye

rah-ravoñ ko dekh le ghar se nikal kar raah chal

kū-e-jānāñ meñ zamāna ho gayā rote hue

tā-kujā dil kā ta.assuf haath mal kar raah chal

yuuñ rasā.ī tā-sahar mumkin nahīñ ai dil magar

sham' kī sūrat shab-e-ġham meñ pighal kar raah chal

main nahin kahta ki duniya ko badal kar rah chal

KHar hain pairahan-e-gul mein sanbhal kar rah chal

dur hai mulk-e-'adam aur tujh mein dam baqi nahin

ho sake to bas yunhi karwaT badal kar rah chal

talib-e-manzil hai phir uzlat-nashini kis liye

rah-rawon ko dekh le ghar se nikal kar rah chal

ku-e-jaanan mein zamana ho gaya rote hue

ta-kuja dil ka tassuf hath mal kar rah chal

yun rasai ta-sahar mumkin nahin ai dil magar

sham' ki surat shab-e-gham mein pighal kar rah chal