main nahin kahta mujhe auron se behtar chahiye

maiñ nahīñ kahtā mujhe auroñ se behtar chāhiye

mujh ko jitnī hai zarūrat utnī chādar chāhiye

haiñ pareshāñ is liye bhī log apnī pyaas se

pyaas kī ḳhātir sabhī ko ik samundar chāhiye

muddatoñ bhaTke haiñ mere ḳhvāb saare dar-ba-dar

be-gharoñ ko sar chhupāne ke liye ghar chāhiye

ghūmnā phirnā agar hotā to duniyā hai paḌī

ik jagah rahne ko tere dil ke andar chāhiye

ishq meñ dil kī amīrī kaam aatī hai magar

vo mohabbat kyā kareñge jin ko gauhar chāhiye

chaar din kī chāñdnī se zindagī kaTtī nahīñ

chāñdnī to ham sabhī ko zindagī bhar chāhiye

ye kahāñ kī riit hai jab man kiyā to mil liye

chāhiye terī mohabbat aur aksar chāhiye

main nahin kahta mujhe auron se behtar chahiye

mujh ko jitni hai zarurat utni chadar chahiye

hain pareshan is liye bhi log apni pyas se

pyas ki KHatir sabhi ko ek samundar chahiye

muddaton bhaTke hain mere KHwab sare dar-ba-dar

be-gharon ko sar chhupane ke liye ghar chahiye

ghumna phirna agar hota to duniya hai paDi

ek jagah rahne ko tere dil ke andar chahiye

ishq mein dil ki amiri kaam aati hai magar

wo mohabbat kya karenge jin ko gauhar chahiye

chaar din ki chandni se zindagi kaTti nahin

chandni to hum sabhi ko zindagi bhar chahiye

ye kahan ki rit hai jab man kiya to mil liye

chahiye teri mohabbat aur aksar chahiye