میں نہیں کہتی مجھے کوئی خزانہ چاہیئے

میں نہیں کہتی مجھے کوئی خزانہ چاہیئے

التجا اتنی ہے الفت جاودانہ چاہیئے

عیش و عشرت کے بنا بھی کام چل سکتا ہے جی

چھت تو سب کو چاہیئے اور آب و دانا چاہیئے

عشق میرا جس میں مہکے اے مرے رب کریم

مجھ کو جنت سے الگ وہ آشیانا چاہیئے

اس شکایت کو مری تو دور کر سکتا ہے کیا

وقت تیرا چاہیئے اور والہانہ چاہیئے

رب کو پانے کی جو حسرت ہے تو اس کے واسطے

دل نظر اور بے نیازی عارفانہ چاہیئے

ہم سفر مانگا تھا میں نے غم دئے تو نے مجھے

اب طلب یہ ہے کے غم کا اک زمانہ چاہیئے

دل نظر کیا روح تک رنگ تصوف چھا گیا

اب غزل بھی مجھ کو مولیٰ صوفیانہ چاہیئے

ہجر تیرا دے ہی دے گا موت اک دن سپناؔ کو

زندگی جینے کا لیکن اک بہانہ چاہیئے