میں نے چاہا تھا بھلا دوں سبھی جانے والے

میں نے چاہا تھا بھلا دوں سبھی جانے والے

یاد تو آ ہی مگر جاتے ہیں آنے والے

کتنی سنسان سی رہ جاتی ہے دل کی بستی

لوٹ جائیں جو سبھی خواب دکھانے والے

دل کی ظلمت کو مٹا پائیں گے کیونکر لوگو

رات بھر گھر کو چراغوں سے سجانے والے

ہم نے ہر صبح کو راحت کی علامت سمجھا

دن چڑھے پیش ہوئے خون رلانے والے

اب کسی کو بھی سمجھ میری نہیں آتی یہاں

تو نے یہ کیسا بنایا ہے بنانے والے

میں اسے دیکھ کے اس سوچ میں گم ہوں کب سے

کیسے ہنستے ہیں یہ اوروں کو رلانے والے