maine chaha tha bhula dun sabhi jaane wale
maiñ ne chāhā thā bhulā duuñ sabhī jaane vaale
yaad to aa hī magar jaate haiñ aane vaale
kitnī sunsān sī rah jaatī hai dil kī bastī
lauT jaa.eñ jo sabhī ḳhvāb dikhāne vaale
dil kī zulmat ko miTā pā.eñge kyūñkar logo
raat bhar ghar ko charāġhoñ se sajāne vaale
ham ne har sub.h ko rāhat kī 'alāmat samjhā
din chaḌhe pesh hue ḳhuun rulāne vaale
ab kisī ko bhī samajh merī nahīñ aatī yahāñ
tū ne ye kaisā banāyā hai banāne vaale
maiñ use dekh ke is soch meñ gum huuñ kab se
kaise hañste haiñ ye auroñ ko rulāne vaale
main ne chaha tha bhula dun sabhi jaane wale
yaad to aa hi magar jate hain aane wale
kitni sunsan si rah jati hai dil ki basti
lauT jaen jo sabhi KHwab dikhane wale
dil ki zulmat ko miTa paenge kyunkar logo
raat bhar ghar ko charaghon se sajaane wale
hum ne har subh ko rahat ki 'alamat samjha
din chaDhe pesh hue KHun rulane wale
ab kisi ko bhi samajh meri nahin aati yahan
tu ne ye kaisa banaya hai banane wale
main use dekh ke is soch mein gum hun kab se
kaise hanste hain ye auron ko rulane wale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.