maine dhaDkan suni shajar ki raat

maiñ ne dhaḌkan sunī shajar kī raat

niiñd pattoñ ne be-ḳhatar kī raat

us ne ruḳhsat kabhī na lenī thī

vo bhī maarā gayā safar kī raat

bhauñktī rahtī hai sitāroñ par

mere andar kisī khañDar kī raat

maiñ ne dīvāngī meñ phāḌe hue

ḳhema-e-ḳhāk meñ basar kī raat

din to lekin kā Dhal gayā sāhab

sāmne hai agar magar kī raat

maiñ huuñ sayyāra-e-falak bezār

mujh meñ din hai kahāñ kidhar kī raat

kholte laave par guzārī hai

ek bujhte hue sharar kī raat

sunī dastak 'shafaq' na ḳhvāboñ kī

haa.e mujh shaḳhs-e-be-ḳhabar kī raat

main ne dhaDkan suni shajar ki raat

nind patton ne be-KHatar ki raat

us ne ruKHsat kabhi na leni thi

wo bhi mara gaya safar ki raat

bhaunkti rahti hai sitaron par

mere andar kisi khanDar ki raat

main ne diwangi mein phaDe hue

KHema-e-KHak mein basar ki raat

din to lekin ka Dhal gaya sahab

samne hai agar magar ki raat

main hun sayyara-e-falak bezar

mujh mein din hai kahan kidhar ki raat

kholte lawe par guzari hai

ek bujhte hue sharar ki raat

suni dastak 'shafaq' na KHwabon ki

hae mujh shaKHs-e-be-KHabar ki raat