میں نے گھبرا کے جو بھیگے ہوئے لب چومے تھے

میں نے گھبرا کے جو بھیگے ہوئے لب چومے تھے

وقت رخصت ترے رونے کے سبب چومے تھے

اپنے ہونٹوں کے تقدس پہ بہت ناز نہ کر

تو نے پتھر کے تراشے ہوئے رب چومے تھے

اس کی آنکھوں سے جو رخسار پہ ڈھلکے آنسو

میں نے موتی کی طرح پیار سے سب چومے تھے

آسماں کو بھی تو معراج ملی جب اس نے

پاؤں انسان کے معراج کی شب چومے تھے

مجھ کو وحشی نہ سمجھ تیرے مہکتے ہوئے لب

میں نے غفلت میں بھی با حد ادب چومے تھے

لمس ابھی تک ہے مرے ہونٹوں پہ ان ہونٹوں کا

اور مجھے یہ بھی نہیں یاد کہ کب چومے تھے