maine har gam pe dhoke khae

maiñ ne har gaam pe dhoke khaa.e

mujh ko chehre nahīñ paḌhne aa.e

phir tirī yaad kā sūraj chamkā

phir gurezāñ hue mujh se saa.e

maiñ ne ḳhushiyoñ pe kiye haiñ mahmūl

justujū meñ jo tirī ġham paa.e

jin ke qad misra.a-e-mauzūñ Thahre

bas vahī jān-e-ġhazal kahlā.e

zabt-e-iz.hār ko tarse 'nusrat'

ḳhuun jazbāt kā hotā jaa.e

main ne har gam pe dhoke khae

mujh ko chehre nahin paDhne aae

phir teri yaad ka suraj chamka

phir gurezan hue mujh se sae

main ne KHushiyon pe kiye hain mahmul

justuju mein jo teri gham pae

jin ke qad misra-e-mauzun Thahre

bas wahi jaan-e-ghazal kahlae

zabt-e-izhaar ko tarse 'nusrat'

KHun jazbaat ka hota jae