میں نے اک عمر گزاری تو اٹھا پردۂ خواب

میں نے اک عمر گزاری تو اٹھا پردۂ خواب

اور وہ عمر ہی کیا جس کو کہیں عرصۂ خواب

خواب زریں کی طلب ہے تو ذرا دھیان رہے

بعض اوقات جلا دیتا ہے اک شعلۂ خواب

حجرۂ چشم میں سب کچھ ہے مگر خواب نہیں

کیا خبر بھول گیا ہوں میں کہاں بستۂ خواب

تو رکا تھا تو مرا خواب جنوں زرد ہوا

تو چلا ہے تو بہت سبز ہوا سبزۂ خواب

ایک لمحہ کہ جہاں روح و بدن مل جائیں

کاش عشاق کو مل جائے وہ اک لمحۂ خواب

دل دریا میں مرے یار اسے دیکھتے ہیں

آئنے میں نظر آ سکتا نہیں چہرۂ خواب

مجھ کو ڈر ہے کہ مرے بھائی مجھے مار نہ دیں

اے مرے باپ سناتا میں تجھے قصۂ خواب