میں نے اقرار کر کے چاہت کا
کیا اظہار اپنی وحشت کا
مجھ سے نظریں ملا نہ پایا وہ
یہی انداز ہے محبت کا
باز رکھے نہ جو گناہوں سے
کوئی حاصل ہے اس ملامت کا
بعد مدت کے ہم ملے ہیں دوست
یہی موقع ہے کیا شکایت کا
سینۂ داغ داغ دیدۂ نم
یہ ہے انجام کار الفت کا
ہاں محبت کسی کے بس میں نہیں
کچھ ہے کاشفؔ جواز نفرت کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
