میں نے جس کو بھلایا ہوا ہے
میں نے جس کو بھلایا ہوا ہے
وہ مجھے یاد آیا ہوا ہے
یہ ستارے کہاں جا رہے ہیں
آسماں سٹپٹایا ہوا ہے
ایسے حیرت سے مت دیکھ دل کو
دل نے یہ غم بھی کھایا ہوا ہے
مجھ سے پوچھو وہ کیوں مضطرب ہے
اس نے مجھ کو بتایا ہوا ہے
جو یہ کہتا ہے سب بن گیا خود
اس نے خود کو بنایا ہوا ہے
تو مجھے ڈھونڈتا ہی رہے گا
تو نے خود کو چھپایا ہوا ہے
بک گئی ہے وہ تصویر مومنؔ
جس میں تو مسکرایا ہوا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
