maine kab barq-e-tapan mauj-e-bala mangi thi
maiñ ne kab barq-e-tapāñ mauj-e-balā māñgī thī
gungunātī huī sāvan kī ghaTā māñgī thī
dasht-o-sahrā se guzartī huī tanhā.ī ne
rāste bhar ke liye us kī sadā māñgī thī
vo thā dushman mirā haarā to bahut zaḳhmī thā
maiñ ne hī us ke liye shāḳh-e-hinā māñgī thī
sā.ebāñ dhuup kā kyuuñ sar pe mire taan diyā
ai ḳhudā maiñ ne to bādal kī ridā māñgī thī
shāḳh se TūTte pattoñ kī tarah maiñ ne bhī
mausam-e-gul tire aane kī duā māñgī thī
merī uryānī ko kaafī thī tirī parchhā.īñ
maiñ ne kab chāñd-sitāroñ kī qabā māñgī thī
shahr-e-dillī se hameñ aur to kyā lenā thā
apnī sāñsoñ ke liye taaza havā māñgī thī
main ne kab barq-e-tapan mauj-e-bala mangi thi
gungunati hui sawan ki ghaTa mangi thi
dasht-o-sahra se guzarti hui tanhai ne
raste bhar ke liye us ki sada mangi thi
wo tha dushman mera haara to bahut zaKHmi tha
main ne hi us ke liye shaKH-e-hina mangi thi
saeban dhup ka kyun sar pe mere tan diya
ai KHuda main ne to baadal ki rida mangi thi
shaKH se TuTte patton ki tarah main ne bhi
mausam-e-gul tere aane ki dua mangi thi
meri uryani ko kafi thi teri parchhain
main ne kab chand-sitaron ki qaba mangi thi
shahr-e-dilli se hamein aur to kya lena tha
apni sanson ke liye taza hawa mangi thi
- Book : Sang-e-sada (Pg. 301)
- Author : Zubair Rizvi
- Publication : Zehn-e-jadid (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
