maine kaha ki raaz chhupaya na jaega

maiñ ne kahā ki raaz chhupāyā na jā.egā

bole kisī se muñh bhī lagāyā na jā.egā

ho ek do ghaḌī kā to ham jī pe sah bhī leñ

āThoñ pahar kā ġham to uThāyā na jā.egā

is nā-murād dil ne ye Thānī hai ai ḳhayāl

soī mohabbatoñ ko jagāyā na jā.egā

har ġhuncha dil-girafta huā sun ke merī baat

chhoḌo bhī ab vo qissa sunāyā na jā.egā

kis bhārī dil se jaate haiñ ham us ke dar pe aaj

sar jhuk gayā vahāñ to uThāyā na jā.egā

kis kī nazar ke kāñTe pe tultā hai barg-e-gul

tere subuk laboñ se batāyā na jā.egā

har laala us chaman kā hai be-dāġh aarzū

shabnam se ye charāġh jalāyā na jā.egā

'mas.ū' bāġh-e-hind meñ kyā aa ga.ī bahār

ham se to is bahār meñ gaayā na jā.egā

main ne kaha ki raaz chhupaya na jaega

bole kisi se munh bhi lagaya na jaega

ho ek do ghaDi ka to hum ji pe sah bhi len

aaThon pahar ka gham to uThaya na jaega

is na-murad dil ne ye Thani hai ai KHayal

soi mohabbaton ko jagaya na jaega

har ghuncha dil-girafta hua sun ke meri baat

chhoDo bhi ab wo qissa sunaya na jaega

kis bhaari dil se jate hain hum us ke dar pe aaj

sar jhuk gaya wahan to uThaya na jaega

kis ki nazar ke kanTe pe tulta hai barg-e-gul

tere subuk labon se bataya na jaega

har lala us chaman ka hai be-dagh aarzu

shabnam se ye charagh jalaya na jaega

'masu' bagh-e-hind mein kya aa gai bahaar

hum se to is bahaar mein gaya na jaega