maine koshish ki bahut lekin kahan yakja hua

maiñ ne koshish kī bahut lekin kahāñ yakjā huā

saf.ha-e-hastī kā shīrāza rahā bikhrā huā

zehn kī khiḌkī khulī dil kā darīcha vā huā

tab jahāñ ke dard se rishta mirā gahrā huā

kyā patta kab kaun us kī zad pe aa jaa.e kahāñ

vaqt kī raftār se har shaḳhs hai sahmā huā

kis kī yaad aa.ī mo.attar ho rahe haiñ zehn-o-dil

kis kī ḳhushbū se hai saarā pairahan mahkā huā

peḌ ke nīche shikārī jaal phailā.e hue

aur parinda shāḳh par baiThā Darā sahmā huā

do-qadam bhī ab tumhāre saath chalnā thā muhāl

raah tum ne ḳhud alag kar lī chalo achchhā huā

zindagī har zāviye se dekhtā huuñ maiñ tujhe

hai mirī fikr-o-nazar kā dā.era phailā huā

chhap ga.ī paanī meñ apnī chhab dikhā kar jal-parī

aaj phir 'nāyāb' mere saath ik dhoka huā

main ne koshish ki bahut lekin kahan yakja hua

safha-e-hasti ka shiraaza raha bikhra hua

zehn ki khiDki khuli dil ka daricha wa hua

tab jahan ke dard se rishta mera gahra hua

kya patta kab kaun us ki zad pe aa jae kahan

waqt ki raftar se har shaKHs hai sahma hua

kis ki yaad aai moattar ho rahe hain zehn-o-dil

kis ki KHushbu se hai sara pairahan mahka hua

peD ke niche shikari jal phailae hue

aur parinda shaKH par baiTha Dara sahma hua

do-qadam bhi ab tumhaare sath chalna tha muhaal

rah tum ne KHud alag kar li chalo achchha hua

zindagi har zawiye se dekhta hun main tujhe

hai meri fikr-o-nazar ka daera phaila hua

chhap gai pani mein apni chhab dikha kar jal-pari

aaj phir 'nayab' mere sath ek dhoka hua