maine mana ek na ek din lauT ke tu aa jaega

maiñ ne maanā ek na ik din lauT ke tū aa jā.egā

lekin tujh bin umr jo guzrī kaun use lauTā.egā

hijr ke sadme us kā taġhāful bāteñ haiñ sab kahne kī

kuchh bhī na mujh ko yaad rahegā jab vo gale lag jā.egā

ḳhvāb-e-vafā āñkhoñ meñ basā.e phirtā hai kyā dīvāne

ta.abīreñ pathrāv kareñgī jab tū ḳhvāb sunā.egā

kitnī yādeñ kitne qisse naqsh haiñ in dīvāroñ par

chalte chalte dekh leñ muḌ kar kaun yahāñ phir aa.egā

bād-e-bahārī itnā batā de sāda-dilān-e-mausam ko

sarf-e-chaman jo ḳhuun huā hai rañg vo kab tak lā.egā

main ne mana ek na ek din lauT ke tu aa jaega

lekin tujh bin umr jo guzri kaun use lauTaega

hijr ke sadme us ka taghaful baaten hain sab kahne ki

kuchh bhi na mujh ko yaad rahega jab wo gale lag jaega

KHwab-e-wafa aankhon mein basae phirta hai kya diwane

tabiren pathraw karengi jab tu KHwab sunaega

kitni yaaden kitne qisse naqsh hain in diwaron par

chalte chalte dekh len muD kar kaun yahan phir aaega

baad-e-bahaari itna bata de sada-dilan-e-mausam ko

sarf-e-chaman jo KHun hua hai rang wo kab tak laega