maine rishton se na baDh kar kabhi paisa samjha

maiñ ne rishtoñ se na baḌh kar kabhī paisa samjhā

tū ne paisoñ se na baḌh kar kabhī rishta samjhā

baap samjhā to kisī ne mujhe daadā samjhā

maañ ne lekin mujhe har haal meñ bachcha samjhā

pyaar thā jis meñ usī aañkh ne ḳhūbī dekhī

varna duniyā ne na jaane mujhe kyā kyā samjhā

har galī chauk pe royā maiñ ġham-e-dil ke sabab

mire jazbāt ko samjhā to parinda samjhā

dekhte dekhte vo ho gayā sach kā qātil

maiñ ne jis shaḳhs ko har haal maiñ sachchā samjhā

ghar ke andar ka.ī afrād siyāsat-dāñ the

bhaa.ī beTā na samajh kar mujhe mohara samjhā

us kī kyoñ sāda-mizājī pe na mar jā.ūñ 'sa.ūd'

kam bhī paayā to use us ne ziyāda samjhā

main ne rishton se na baDh kar kabhi paisa samjha

tu ne paison se na baDh kar kabhi rishta samjha

bap samjha to kisi ne mujhe dada samjha

man ne lekin mujhe har haal mein bachcha samjha

pyar tha jis mein usi aankh ne KHubi dekhi

warna duniya ne na jaane mujhe kya kya samjha

har gali chauk pe roya main gham-e-dil ke sabab

mere jazbaat ko samjha to parinda samjha

dekhte dekhte wo ho gaya sach ka qatil

main ne jis shaKHs ko har haal main sachcha samjha

ghar ke andar kai afrad siyasat-dan the

bhai beTa na samajh kar mujhe mohara samjha

us ki kyon sada-mizaji pe na mar jaun 'saud'

kam bhi paya to use us ne ziyaada samjha