میں نے سوچا تھا کیا اور کیا ہو گیا

میں نے سوچا تھا کیا اور کیا ہو گیا

ساتھ میرے نیا حادثہ ہو گیا

چھیڑ دیں اس کی باتیں کسی نے یہاں

زخم کوئی پرانا ہرا ہو گیا

غیر مجھ سے مرے اپنے جب سے ہوئے

دشمنوں سے مرا رابطہ ہو گیا

روز اک موڑ پر ملتا تھا مجھ سے جو

اس کا دیدار کرنا سزا ہو گیا

عشق کرنے کا سوچا نہیں تھا مگر

عشق میں پھر سے دل مبتلا ہو گیا

جس کو خود بھی نہیں راستے کا پتہ

شخص ایسا مرا رہنما ہو گیا

میرے اس دل پے اب عمر بھر کے لیے

جانے والے ترا نقش پا ہو گیا