maine socha tha kya aur kya ho gaya

maiñ ne sochā thā kyā aur kyā ho gayā

saath mere nayā hādisa ho gayā

chheḌ diiñ us kī bāteñ kisī ne yahāñ

zaḳhm koī purānā harā ho gayā

ġhair mujh se mire apne jab se hue

dushmanoñ se mirā rābta ho gayā

roz ik moḌ par miltā thā mujh se jo

us kā dīdār karnā sazā ho gayā

ishq karne kā sochā nahīñ thā magar

ishq meñ phir se dil mubtalā ho gayā

jis ko ḳhud bhī nahīñ rāste kā pata

shaḳhs aisā mirā rahnumā ho gayā

mere is dil pe ab umr-bhar ke liye

jaane vaale tirā naqsh-e-pā ho gayā

main ne socha tha kya aur kya ho gaya

sath mere naya hadisa ho gaya

chheD din us ki baaten kisi ne yahan

zaKHm koi purana hara ho gaya

ghair mujh se mere apne jab se hue

dushmanon se mera rabta ho gaya

roz ek moD par milta tha mujh se jo

us ka didar karna saza ho gaya

ishq karne ka socha nahin tha magar

ishq mein phir se dil mubtala ho gaya

jis ko KHud bhi nahin raste ka pata

shaKHs aisa mera rahnuma ho gaya

mere is dil pe ab umr-bhar ke liye

jaane wale tera naqsh-e-pa ho gaya