main raste mein jahan Thahra hua tha
maiñ raste meñ jahāñ Thahrā huā thā
vahīñ to dhuup kā chehra khilā thā
sabhī alfāz the merī zabāñ ke
magar maiñ ne kahāñ kuchh bhī kahā thā
vo kis ke jism kī ḳhushbū thī āḳhir
havā se tazkira kis kā sunā thā
samundar meñ bahut halchal thī ik din
safīna kis kā Duubā jā rahā thā
ki jaise ḳhvāb sā dekhā thā koī
bas itnā yaad hai koī milā thā
khañDar meñ ghūmtī phirtī thiiñ yādeñ
udāsī kā ajab manzar sajā thā
mirī miTTī kī himmat baḌh ga.ī thī
mire raste meñ dariyā aa gayā thā
main raste mein jahan Thahra hua tha
wahin to dhup ka chehra khila tha
sabhi alfaz the meri zaban ke
magar main ne kahan kuchh bhi kaha tha
wo kis ke jism ki KHushbu thi aaKHir
hawa se tazkira kis ka suna tha
samundar mein bahut halchal thi ek din
safina kis ka Duba ja raha tha
ki jaise KHwab sa dekha tha koi
bas itna yaad hai koi mila tha
khanDar mein ghumti phirti thin yaaden
udasi ka ajab manzar saja tha
meri miTTi ki himmat baDh gai thi
mere raste mein dariya aa gaya tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
