main sans lete zaif jismon mein rah chuka hun

maiñ saañs lete za.iif jismoñ meñ rah chukā huuñ

maiñ hādisa huuñ udaas logoñ meñ rah chukā huuñ

qadīm nasloñ ke ghar nahūsat kā devtā thā

jadīd nasloñ ke zard kamroñ meñ rah chukā huuñ

maiñ nīm-murda asiir insāñ kā qahqaha huuñ

maiñ surḳh īñToñ ke ḳhūnī pinjroñ meñ rah chukā huuñ

maiñ aisā sar huuñ jo dasht-e-ġhurbat meñ kaT gayā thā

maiñ sar-burīda shahīd lāshoñ meñ rah chukā huuñ

maiñ raajā gidh huuñ na dasht-zāda na mās-ḳhora

maiñ phir bhī bastī ke murda-ḳhoroñ meñ rah chukā huuñ

maiñ ism-e-āzam kā mo.ajiza huuñ maiñ nāḳhudā huuñ

maiñ chāñd tāroñ meñ aur ġhāroñ meñ rah chukā huuñ

yaqīn jaano ye mere bāloñ meñ gard dekho

maiñ shahr vaalā tumhāre gaañv meñ rah chukā huuñ

maiñ yaum-e-āshūr tishnagī kā sarāb ban kar

ḳhalīl-zādoñ ke ḳhālī kūzoñ meñ rah chukā huuñ

main sans lete zaif jismon mein rah chuka hun

main hadisa hun udas logon mein rah chuka hun

qadim naslon ke ghar nahusat ka dewta tha

jadid naslon ke zard kamron mein rah chuka hun

main nim-murda asir insan ka qahqaha hun

main surKH inTon ke KHuni pinjron mein rah chuka hun

main aisa sar hun jo dasht-e-ghurbat mein kaT gaya tha

main sar-burida shahid lashon mein rah chuka hun

main raja gidh hun na dasht-zada na mas-KHora

main phir bhi basti ke murda-KHoron mein rah chuka hun

main ism-e-azam ka moajiza hun main naKHuda hun

main chand taron mein aur ghaaron mein rah chuka hun

yaqin jaano ye mere baalon mein gard dekho

main shahr wala tumhaare ganw mein rah chuka hun

main yaum-e-ashur tishnagi ka sarab ban kar

KHalil-zadon ke KHali kuzon mein rah chuka hun