main sochta hun kabhi aisa ho na jae kahin

maiñ sochtā huuñ kabhī aisā ho na jaa.e kahīñ

ki ḳhvāb aañkh meñ ho aañkh so na jaa.e kahīñ

maiñ jāntā huuñ bahut roz vo na Thahregā

magar is arse meñ vo zahr bo na jaa.e kahīñ

jo ek aks banāyā thā pichhlī bārish ne

vo shakl ab ke se barsāt dho na jaa.e kahīñ

use ye shikva ki maiñ ne na pūchhā haal us kā

mujhe ye ḳhauf meñ bolā to ro na jaa.e kahīñ

baḌhī jo umr to ab tajraba satāne lagā

hai Dar ki būḌhā shajar ham se kho na jaa.e kahīñ

baḌoñ ke faiz se hāsil hai shams' ko ye kamāl

ki us ke saath jo aa jaa.e to na jaa.e kahīñ

main sochta hun kabhi aisa ho na jae kahin

ki KHwab aankh mein ho aankh so na jae kahin

main jaanta hun bahut roz wo na Thahrega

magar is arse mein wo zahr bo na jae kahin

jo ek aks banaya tha pichhli barish ne

wo shakl ab ke se barsat dho na jae kahin

use ye shikwa ki main ne na puchha haal us ka

mujhe ye KHauf mein bola to ro na jae kahin

baDhi jo umr to ab tajraba satane laga

hai Dar ki buDha shajar hum se kho na jae kahin

baDon ke faiz se hasil hai shams' ko ye kamal

ki us ke sath jo aa jae to na jae kahin