main sochta hun kinara karun mohabbat se

maiñ sochtā huuñ kināra karūñ mohabbat se

guzar hī jā.ūñ kisī din maqām-e-ibrat se

maiñ ek taḳhta-e-yaḳh ko pakaḌ ke bahtā huuñ

bhañvar kī aañkh mujhe tak rahī hai hairat se

ajab nahīñ ki junūñ meñ ye mo.ajiza bhī ho

maiñ iḳhtiyār meñ aa jā.ūñ apne vahshat se

ġhubār-e-ḳhvāb uḌā ke guzar gayā koī

lagī thī aañkh mirī chāñdnī meñ ġhaflat se

nazar ko Dhiil na do is qadar nazāre par

ki saarā kaam bigaḌ jaa.e us kī ujlat se

mujhe vajūd ke phailāo ne kiyā taqsīm

maiñ aqliyat meñ ab aayā huuñ apnī kasrat se

ye kaun ḳhāna-e-dil maiñ mire chhupā hai jo

darīche khol rahā hai tirī ijāzat se

main sochta hun kinara karun mohabbat se

guzar hi jaun kisi din maqam-e-ibrat se

main ek taKHta-e-yaKH ko pakaD ke bahta hun

bhanwar ki aankh mujhe tak rahi hai hairat se

ajab nahin ki junun mein ye moajiza bhi ho

main iKHtiyar mein aa jaun apne wahshat se

ghubar-e-KHwab uDa ke guzar gaya koi

lagi thi aankh meri chandni mein ghaflat se

nazar ko Dhil na do is qadar nazare par

ki sara kaam bigaD jae us ki ujlat se

mujhe wajud ke phailao ne kiya taqsim

main aqliyat mein ab aaya hun apni kasrat se

ye kaun KHana-e-dil main mere chhupa hai jo

dariche khol raha hai teri ijazat se