main tair-e-wajud ya barg-e-KHayal tha

maiñ tā.ir-e-vajūd yā barg-e-ḳhayāl thā

bas is qadar hai yaad ki maiñ Daal Daal thā

lamhoñ meñ mujh ko baañT gayā koī kaalā haath

varna maiñ aap apnā tulū-o-zavāl thā

chehre khulī kitāboñ kī mānind the magar

be raushnā.ī likkhe ko paḌhnā muhāl thā

'muztar' har aa.ine meñ thā aks-e-bahār bas

maiñ apnī aarzū se bahut pā.emāl thā

main tair-e-wajud ya barg-e-KHayal tha

bas is qadar hai yaad ki main Dal Dal tha

lamhon mein mujh ko banT gaya koi kala hath

warna main aap apna tulu-o-zawal tha

chehre khuli kitabon ki manind the magar

be raushnai likkhe ko paDhna muhaal tha

'muztar' har aaine mein tha aks-e-bahaar bas

main apni aarzu se bahut paemal tha